Farsæld: Aðstæður sem skapa barni skilyrði til að ná líkamlegum, sálrænum, vitsmunalegum, siðferðislegum og félagslegum þroska og heilsu á eigin forsendum til framtíðar.
Farsældarlögin eiga að sjá til þess að börn og foreldrar hafi greiðan aðgang að þeirri þjónustu sem þau þurfa og að þau fái rétta aðstoð á réttum tíma, frá réttum aðilum. Með því að tengja þjónustuna saman og vinna í sameiningu að farsæld barna verður auðveldara fyrir börn og foreldra að fá aðstoð við hæfi.
Tengiliður skal vera aðgengilegur öllum börnum og foreldrum og hefur hann viðeigandi þekkingu til að vera innan handar og aðstoða við að sækja viðeigandi þjónustu við hæfi. Þannig geta foreldrar og börn leitað til eins aðila sem hefur yfirsýn yfir allt þjónustukerfið.
Tengiliður Hádegishöfða er Anna Heiðdal Þórhallsdóttir sér kennslustjóri anna.heiddal@mulathing.is
Tengiliður hefur hagsmuni barns að leiðarljósi í samstarfi og samráði við foreldra og barn.
Hlutverk tengiliðar er að:
- Veita upplýsingar um þjónustu í þágu farsældar barns.
- Aðstoða við að tryggja aðgang að frummati á þörfum barns.
- Skipuleggja og fylgja eftir samþættingu fyrsta stigs þjónustu í þágu farsældar barns.
- Koma upplýsingum til sveitarfélags um þörf fyrir tilnefningu málstjóra þjónustu í þágu farsældar barns.
- Taka þátt í starfi stuðningsteymis eftir því sem við á.
Þjónusta í þágu farsældar barna er veitt á þremur þjónustustigum.
1. stig: Fyrsta stig í þjónustu við börn tilheyrir grunnþjónusta sem er aðgengileg öllum börnum og foreldrum þeirra í ungbarnavernd, leik-, grunn-, og framhladsskólum. Grunnþjónustu skiptir miklu máli fyrir farsæld barna og með því að grípa snemma inn í er hægt að koma í veg fyrir ýmsa erfiðleika síðar meir. Frysta stigs þjónustu tilheyrir einning einstaklingsbundinn og snemmtækur stuðningur sem hefur það að markmiði að styðja við farsæld barns. Einstaklingsbundinn og snemmtækur stuðnngur er þjónusta umfram grunnþjónsutu. Stuðningurinn á við um börn sem glíma við vægan vanda og er stuðningsaðgerðunum ætlað að koma í veg fyrir að vandinn aukist og vaxi.
2. stig: Annars stigs þjónustu við börn á að vera einstaklingsbundin og markvissari en sá stuðningur sem veittur er á fyrsta stigi. Úrræði á öðru stigi eru sérhæfðari og veitt þegar úrræði á fyrsta stigi duga ekki til eða hafa ekki borið árangur.
3. stigi: Þriðja stigs þjónusta við börn á að tryggja að þeim sé ekki hætta búin. Á þriðja stigi er veittur sérhæfðari stuðningur, barn sem nýtur þjónustu á þessu stigi hefur að jafnaði flókinn og fjölþættan vanda og mikla umönnunarþörf.
Markmið með stigskiptri þjónustu er að sem flest börn fái þjónustu á 1. stigi og að þjónusta þess stigs sé það öflug að færri börn þurfi þá umfangsmiklu þjónustu sem veitt er á 2. og 3. stigi.
Nánari upplýsingar eru inn á Farsæld barna